काठमाडौं,
त्रिभुवन विश्वविद्यालयका शीर्ष पदाधिकारीहरूले सामूहिक राजीनामा दिएका छन्। उपकुलपति प्रा.डा. दीपक अर्याल, शिक्षाध्यक्ष खड्ग केसी र रजिष्ट्रार केदारप्रसाद रिजालले पदबाट अलग हुने निर्णय गरेका हुन्।
नयाँ सरकारलाई काम गर्न सहज बनाउने भन्दै उनीहरूले राजीनामा दिएको जनाइएको छ। शिक्षाध्यक्ष केसीका अनुसार आफूहरू प्राध्यापनमै रमाउने भएकाले पद त्यागेर कक्षाकोठामा फर्किनु उपयुक्त ठानेकाे बताए ।
हालै सिफारिस गरिएको अध्यादेशमा पदाधिकारी हटाउन सक्ने व्यवस्था राखिएको र सत्तारूढ पक्षबाट पनि त्यस्तै संकेत देखिएपछि उनीहरूले कुलपतिलाई राजीनामा बुझाएका स्राेबाट बुझिएकाे छ ।
केसी र रिजाल पूर्वप्रधानमन्त्री प्रचण्ड नेतृत्वको सरकारका बेला मेरिटका आधारमा नियुक्त भएका थिए भने उपकुलपति अर्याल केपी शर्मा ओली नेतृत्वको सरकारको पालामा नियुक्त भएका थिए ।
